البارت الحادي عشر &للكاتبة نوني بنت الجنوب&
اللهم صل وسلم على نبينا محمد
جلست اصيح منهاره وش ينفع مع هذا المجنون جلست مدري كم
من الوقت في الحمام وانا اصيح نبهني صوت اذان الفجر
توضيت وطلعت فرشت السجادة وقعدت اصلي واستغفر الله
وجلست اكررر يالله اني وكلتك امري فكن لي خير وكيل
بعدها انسدحت على فرشي ونمت من التعب والصياح
فتحت عيوني وشفت الغرفه فاضيه سحبت جوالي
اشوف الساعة إلا هي سته ونص يالله كل هذا نوم
غريبه البنات مافي احد منهم صحاني وقمت ع طول
فتحت الدولاب اخذت لي ملابس واخذت المنشفه
ودخلت الحمام الله يكرمكم واخذت شور حسيت
بشوية راحه بعد الشور نشفت جسمي وشعري
ولبست وطلعت فرشت وصليت اللي فاتني
يارب تغفرلي كم فرض راح علي بعدها جلست
اسرح شعري ولفيته كله على فوق وطلعت
جهة الصاله إلا اسمع صوت البنات عند التي في
ومسوين قهوه وحلى
رهف // مو كذا النذاله
عنود // اول ردي السلام
جوري // والله حياتي صحيت فيك لما طفشت
حتى توقعتك ميته
رهف // واذا كان ميته عادي تجلسي تتقهوي
عنود // ههههههه خبله من يومها تعالي بس تقهوي وخلي
عنك الهذره الزياده وهذا احلى فنجان قهوه لرهوفه
رهف بمسخر // اللحين تعالي بعد ايش
سماح // اهم شي انك لحقتي
رهف // تصدقين سماح أمنيتي في هذي الدنيا ايش
سماح ببرود // ايش لا يكون ودك تقومي تضمني ترى معليش مااحب هذي الحركات
والدلع اللي تسويه مع عنود
رهف وهي مقهوره منها // لا ودي اقوم اصفقك ولااحد يقدر يفككك من يدي
جوري بضحكه // هههههههه شوفي شكلك اول بعدين صفقي سماح
بس ماعليك انا ابي افزع معك واصفقها
رهف بعصبيه // انتي مالك شغل في شكلي
جوري // هذا رد المعروف اني بقوم اصفقها معك
رهف // محد طلب منك مساعده
جوري // اوك ع راحتك بس انا شفقت عليك لان سماح راح تمردغك
ماشاءالله عليها طول وجسم انتي وش هو معاها زي طول صبعي الصغيرر
عنود وهي تضرب سماح ع كتفها // ياالبارده الكلام عنك وهم واصلين حريقه وانتي ساكته
سماح ببرود // طنشيهم ماعليك منهم وبعدين انا مااحب انزل نفسي لهم
جوري // اخس وش هوله شوفة النفس هذي
سماح // مو شوفة نفس بالعكس تبكيرر عقل لانكم معليش على هذي الكلمه مخفه
رهف // لا حياتي عادي خذي راحتك وهي تناظر في جوري
عادك قد كلمتك تساعدني فيها
جور بفزعه // افااا والله انا اللي اساعد
عنود بعصبيه منهم // خلاص انتي وهي صكيتوو راسي وانتي خذي فنجالك
واسكتي قايمه بالشياطين معك
جوري // ههههههههه احسن اعطيها كمان
عنود // وانتي كمان انطمي حاشره نفسك في كل شي
وطبعاً شي اكيد مدام دخلتي في السالفه اكيد تصير هوشه
رهف // اقول جوري مو كن اليوم عنود ودها تصير شخصيه ع حسابنا
جوري // حرام خليها تفرح اليوم ونحققق لها انها شخصيه بس يوم مو دوم
عنود // غصب عنكن شخصيه ولا اسمع حس وبعدين ست رهف بدل الهذره
روحي المطبخ وكلي لك شيء عزلتلك شوي من الغداء
رهف وهي تدلع ع عنود // ماابي ليه ماقومتيني من النوم وكنت اكلت معكم
عنود // والله قومتك بس انتي مو معنا مره وقال ابوي خلاص يمكن تعبانه خلوها تنام
رهف // خلتص هذي المره سماح بس لا تبكي خلاص ياقلبي سامحتك
عنود وهي تدفها // كلي هواااا ابعدي عني اقال ايش سامحتك
والله انتي مفروض احد يلطشك عشان تسيبي الدلع اللي فيك
سماح وجوري بصوت واحد// الله اخيرآ شفنا عنود قلبت على رهف
يالله مو مصدقين
جوري وهي تزيد عشان تقهر رهف // الله لو صدق عنود تقوم وتعطيها هذاك الكف
سماح // ههههههه ياليت
عنود ع طول قامت عشان تقهرهم المطبخ وجابت الغداء لرهف // بالعافيه حبيبتي
واحسن شيء انك طنشتيهم
رهف بدلع // بعد ايش بعد ماضحكتيهم عليه
عنود وهي تقرب من خدها // وهذي بوسه بس لاتزعلي وماعليك
في العذال
رهف وهي تبي تقهرهم زود وبدلع // تيب
جوري // وع وش ذي تيب
عنود // خلاص انتي اسكتي خليها تأكل
سماح بمصخره // ياحرام نونو
بعدها دخلت علينا خالتي وهي تقول بنات
الللحين دقت عليه ام محمد تقول بكره عندها ملكه
جوري // ملكة مين
ام فيصل // بنتها
جوري // مين فيهم
ام فيصل // الكبيره
جوري // يالله اللكل تزوج مافي إلا انا جالسه مع هذولا العوانس
سماح // كلي تبن وشو عوانس لسى صغار بعدين وش هوله مستعجله على العرس
عنود // من جد جوري ايش تبي في العرس شوفي انا اكبر منك ماقلت ابي اعرس
جوري // خبلات من يومكن العرس ستر صح يمه
ام فيصل وهي مقهوره من جوري // والله انتي مافيك حيا
جوري // يمه وش فيها ابي بس اطمن على نفسي
عنود بمسخر // اللحين يقالك تبي تطمني
جوري // ايه ابي اطمن بعدين انتي واثقه انك راح تتزوجي
عنود // بالله صدق واثقه
جوري // ايوه واثقه ولا نسيتي زميل اخوي تركي مو خطبك
عنود // بس انا ماوافقت
ام فيصل وهي ودها عنود توافق // من جد يمه ليه ماتوافقي
عنود // يمه والله ماابي اتزوج
ام فيصل // وليه طيب
عنود // كذا يمه
جوري // خبله وهو كمان الغبي ماقال اخطب اختها الصغيره اللي احلا منها
لا جاي يخطب مرتين وهو يدري انه مرفوض وإلا اقول الحمدلله انا ماابي
واحد غبي نقوله البنت ماتبي تزوج يجلس شهر ويرجع يخطب
سماح // والله ماغبي غيرك
جوري بغباء // لايكون انتي تبيه وعشان كذا جالسه تحامي عنه
وانا اقول وش هوله عنود رفضته عشان ماتكسر خاطرك
ام فيصل هي ترميها بالريموت // اقول انطمي قبل مااقوم انا واكسر راسك
وش هذا الكلام والله ابوك لو يسمعك تعرفي انتي وش راح يصير فيك
عنود وهي مقهوره من جوري لا تفتح سالفة زميل تركي// والله يمه من جد
جوري تبي لها احد يربيها
ام فيصل // والله ياليت تركي هنا والله ماتفتح فمها
جوري / بسم الله عليه وش فيكم اكلتوني كنت امزح بس وش فيكم قلبتووو السالفه جد
رهف في نفسهااا تستاهلين ياجوري صراحه زودتها في الحكي وبعدين احسن
وعنود رفضت زميل تركي لانه مدام انه صاحبه فااكيد مثله ماعنده ضمير
وبعدين صدقت جوري انه غبي وحده رفضته يقوم يرجع يخطبها مره ثانيه
حنا يوم اجااا مره ثانيه توقعنا انه يبي سماح ولانه حاب تركي ويبي يناسبه
بس انصدمنا مره ثانيه يوم عمي اجااا وكلم عنود مره ثانيه انه خطبها
بس عنود ع طول رفضت وقالت ماابيه قولوا له لعاد يجي ويخطب
طبعاً يومها قامت الحرب العالمية بين عنود وتركي وجلس
ش هوله ترفضه وهو لو مايبيها كان ماخطب مرتين اعرفه خوي
عزيز نفس بس انه حاب يناسبنا وطبعاً عمي تدخل وانهى الموضوع
وقال خلاص كل شيء قسمه ونصيب وبعدها راح تركي ابها وتسكرت السالفه
واليوم الخبله جوري فتحتها من جديد
ام فيصل وهي تغير السالفه // اللحين مين تبي تروح معي بكره
جوري // انا اكيد اول وحده
سماح // وانا كمان
جوري // وذي تجي انا اروح وانتي لا مالت عليك بس ياحبك لللتقليد
عنود // قولووا ان شاءالله
جوري وسماح بصوت واحد // ان شاءالله
ام فيصل // وانتي يارهف ايش فيك ساكته
رهف وانا افكر اقول فرصه لو يرحون عشان اقدر اكلم الغبي يمكن اقدر اقنعه // لا انا مالي نفس
عنود // ونا كمان ماابي اروح
رهف // لا يكون عشاني
عنود // لا وبعدين ماابي اخليك لحالك في البيت
رهف وهي تحاول تقنعها // لا وش لحالي عمي اكيد موجود يكون
ام فيصل // طيب ليه ماترحون الثنتين معنا
رهف // والله ياخاله مالي مزاج
عنود // خلاص يمه خليها ع راحتها وانا ابي اجلس معاها
جوري // ايوه احسن رهف لا تروحي
رهف // ليه اروح اجلس على راسك
جوري // لا بس نبي نشوف نصيبنا وانتي تروحي تصكي علينا
سماح // يالله رجعت لنفس السالفه
عنود بقهر منها وبحده// انتي وش عند ع الزواج هاااااا انطقي
جوري // لا من جد تروح معنا هذي الخبله تخرب علينا ونفسي اعرف وش عاجبهم فيها
سماح وهي تقهرها زود // عشان عيونها ملونه
جوري // وع من زين عيونها حتى في الظلام تخوف
انا دايم افتح ستارة الغرفه عشان يدخل منها نور اخاف اقوم وهي مفتحه عيونها
وانفزع وبعدها تجيني خرعه ومعاد اقدر اتزوج ولااحد يقول عني مشفوحه ع الزواج
رهف // أجل كذا السالفه تخافي من عيوني هاااا وعشان كذا تفتحي الستاره
عنود // خليك منها هذي كذا تهذر وهي تخوف بلد
رهف // اوك وانا راح ار ح الملكة بس كذا قهر فيك واصك عليك وانتي تروح عليك فرصة الزواج
سماح // هههههههههه حرام
عنود // هههههههه احسن عشان تعرف ثاني مره تتكلم
جوري // ماعليه فيكم وانتي خليك عند كلمتك انك ماتبي تروحي ولا السالفه عناد
رهف // ايوه عناد وعشان ثاني مره تعرفي تكلمي عمتك رهف قال ايش تخاف من عيوني
روحي بس والله ودك في لون عيوني
بعدها كملنا السهر اللي مع جوري وطبعاً مع كلامها اللي يغث
وبعدها نمنا بس انا نمت ساعه وصحيت سحبت جوالي فتحت الواتس
وعلى طول ع رقمه فتحت الحظر وارسلت له لاني ماابي اسمع صوته اللي يغث
هااا متى راح تجي ارسل على طول = ماراح اجي
ارسلت له = اوك راح اقول لعمي وبس لانك مو مقدر المصيبه إلا حنا فيها
ارسل == اوك سوي اللي تبين قولي لعمك قولي لااهل البيت كلهم انا زواج ماراح اتزوجك
افهمي وخاي عندك كرامه
ع طول رميت الجوال وندمت اني ارسلت لها بس ايش اسوي شي غصب عني والله
هذي فضيحه مو لي بس للعايله كلها ليه مايفكر وانا والله جالسه احاول فيه عشان
ماعندي القدره عشان اقول لعمي عمي يخوف اذا عصب والسالفه فيها تركي
واكيد راح تحصل مشاكل وحرب نفسي هوو يجي ويخطبني عشان اقدر اكفى المشاكل
وكمان استر نفسي اخخخخ ي دنيا ليه كذا تسوي فيني اجيك يمين تجيني شمال
جلست استغفر الله واتعوذ من الشيطان لاني لو جلست افكر زياده والله راح انهبل
وبعدها رجعت نمت
اليوم الثاني جلست اشوف البنات وهم يتجهزن وجوري مشطته من جدها ذي
مصدقه حالها انها اليوم راح تنخطب صدق هذي البنت يبي لها حل
رهف بتريقه// ماشاءالله اللحين واثقه انك راح تنخطبي
جوري // ايوم مدام انتي منثبره في البيت وماتغلسي عليه
رهف // حياتي اثرك من زمان تعاني من روحتي معك
جوري بحزن مصطنع // ايوه من زمان بس القهر وين
انهم لما يجووو ويكلمووو امي عشانك تقول لهم مخطوبه وطبعاً هم ينصدموو
وخلاص معاد نشوفهم
رهف بمصخره // لالا صراحه مالهم حق مفروض يرجعووو ا يخطبونك
عنود بتريقه// مفروض بس وش نقول
سماح // اكيد فيه شيء إلا جوري ماشاءالله عليها زي القمر
جوري بعصبيه // انقلعوووا انتي وهي وانتي كمان قمر وغصب عنك
وتكفيني كملي بس شعري واني ساكته لان اول ماتتكلمي بطني يقلب علي
سماح وهي ترمي الفرشه // شوفي مين يكملك اجل
جوري بقهر // حرام عليك سماح والله تكملي غصب
سماح // يالله اشوف كيف تغصبيني
رهف // لا لا سماح حرام عليك كملي لها
جوري // انتي ي السوسه مالك دخل كان مكملين حلوين اللين ماتدخلتي
وانتي والله لو ماتكملي شعري لا اقول لاامي اللحين
رهف بقهر // اجل والله تكملي لها ياسماح انك بقره بعد هالتحكم كله
سماح // خليها ماراح اكملها اللحين حتى لوقالت لاابوي مو امي بس
عنود // احسن عشان ثاني مره ماترفعي صوتك
جوري وهي تبي تبكي // حرام عليكم
رهف // اجل اول شيء اعتذري مني وانا احاول اقنع سماح
سماح // اقول انتي كمان مين كذب عليك وقال راح اسمع كلامك
عنود بطفش // خلاص سماح كملي لها
قبل امي ماتجي والله كلكم الثنتين ماترحون
سماح / والله مالمس شي فيها واحسن مولازم الروحه
عنود وهي تقوم تمسك الفرشه وتكمل لها // خلاص انا اسويلك هوو
جوري وفي عيونها دموع // ماراح تعرفي تلفي شعري زيها
عنود // اقول احمدي ربك وان شاءالله احاول اعرف
رهف // ههههههه حظك دايم مو حلووو اللحين كيف يتفرجون فيك شوفي
انا جلست مارحت عشان ماخرب عليك بس شعرك خرب عليك من اللحين
اقولك هارد لك حياتي هههههه
جوري ودموعها تنزل // انقلعي اطلعي خليني اكمل مالت عليك من بنت عم شريره
رهف // ايوه شريره طالعه عليك حياتي وانا اعتبر كمات تلميذه عندك
عنود بحزن على جوري // خلاص رهف ارحميها واسكتي
رهف وهي تقفل على فمها // وهذي سكته ويالله نشوف كيف تطلع السندريلا جوري
بعدها انا حاولت انسحب واخذت جوالي معي دخلت قسم الحريم ودخلت الحمام الله يكرمكم
عشان أخذ راحتي وحتى لو وحده سألت عني وينك اقولها عشان تاخذووو راحتكم في اللبس
وانا رحت في الحمام اللي في جهة الحريم لان عندي فرصه لو راحت عنود اللملكه
اني اخذ راحتي ويمكن يطلع معي شي وماعندي فرصه صراحه اخاف بكره عمي اذا
كبر بطني وانكشفت واقوله من ولده بيقول وليه مافتحتي فمك ولا اللحين لما كبر بطنك
نطقتي فتحت على رقمه وانا معزمه انه والله اخر اتصال له لو مانفع معه والله تردني
غرفة عمي لاني لو سكت راح اغرق زياده واروح فيها اكثر
دقيت وعلى طول رد // اوف والنهايه معك انتي
ولا عجبك صوتي وودك كل ساع تتصلي فيني
رهف قهرني استهباله // اقول بلاى كثرة حكي حرك بسرعه وتعالي مافي وقت
اخاف بطني يكبر وانفضح
تركي ببرود // وانا ايش لي يكبر يصغر مالي صلاح فيك
رهف بعصبيه وهي تحاول تكتم صوتها // ايش مالك صلاح مو انتا السبب في كل
اللي انا فيه والمصيبه اللي حملتني فيها وانا ماللي ذنب
تركي بطفش // وانا قلت لك روحي قولي لاابوي وقولي اللي في خاطرك كله
رهف // زش اقوله ياغبي انا حامل من ولدك والتربيه اللي ربيتني هيا راحت كذا
تركي حرام عليك فكر بعقل هذا شرف فاهم ايش شرف وبعدين عمي تتوقع راح
يأخذ الامور ببساطه والله يمكن نروح فيها حنا الاثنين وكمان مو اثنين هذا اذا كان مو ثلاثه
تركي// اثنين ثلاثه قلتلك مستحيل اجي واخذك انا ولا كمان حامل وش ابي فيك
رهف بقهر // طيب مين السبب وصرت حامل
تركي //والله مدري مين السببب
رهف بحده // هيي انتبهه لحكيك وانا متربيه احسن منك
وانت تدري محد سوى فيني كذا إلا انت
تركي// ايوه مره متربيه والدليل اتصالك على فيصل آخر الليل
رهف وهي فاتحه عيونهامستغربه من حكيه // ايش اي اتصال تحكي عنه
تركي بقهر// ايوه ايوه سوي نفسك شريفة مكه اقول شغل الاستهبال مو علي
رهف // والله مقد اتصلت على رقم فيصل ولا عندي كمان رقمه يمكن وحده من البنات
تركي // اقول لا تحلفي كذب وانا عارفك زين انك مو متربيه عشان كذا قلت لا انا اولى من فيصل
واخذا اللي ابيه منك وبعدها اعرفك راح تلعبي على الدلخ الخروف حقك وراح يسامحك
بس ابي قولك شي مو حنا اللي نسكن عندنا وحده ماتخاف الل تدق على واحد يقولون عنه خطيبها
وتجلس تلعب عليه وهو مصدق قال ايش احبها وهو غبي مفروض اول واحد يرفضك مدام انك نزلتي نفسك
وكلمتي واحد مو محرم عنك ولا تقولي خطيبي ومن هالحكي
رهف وهي تحس بظلم من كلامة // حرام عليك والله ماعمري دقيت عليه واللي رباني ربى خواتك
ومستحيل اخيب تربيتة
تركي // لا خواتي احسن من ثمرة فيهم التربيه بس انتي واحده سهله مره
ويالله انقلعي عن وجهي لانك خربتي مزاجي
رهف بعصبيه // اوك راح اقفل لكن اقسم بالله العظيم اني ماراح عاد اتصل فيك هالمره
ان شاءالله عمي اللي راح يدق عليك
تركي بحده // هذاك الوقت اعتبري نفسك من الاموات وقفل
جلست اشوف الجوال ساعه الزفت قفل ولسى مااعطاني حل أجل اوكى عليه وعلى أعدائي
غسلت وجهي اكثر من مره وطلعت وخلت الغرفه والبنات يلبسون العبايات
عنود // وينك
رهف // لا بس رحت الحمام حق الحريم عشان خفت لو البنات يحتاجون الحمام او شي
عنود بشك //هااه اوك
جوري وهي تتأكد من نفسها // كيف يابنات حلوه يالله سرعه امي وسماح برى
عنود وهي تدفها // ايوه حلوه يالله بس برى
اوف خايفة من نظرات عنود ادري فيها والله ماراح تخليني اللين اكب اللي عندي
عليها تحقيق مو صاحي كل شيء تبي تعرفه وتخلي الواحد يعترف غصب عنه
شفتها وهي تقفل الباب بالمفتاح وع طول اجت ناحيتي
عنودوهي مقرره اليوم تعرف وش في رهف// تعالي ندخل الغرفه
رهف وانا اسحبها جهة الصاله // لا لا خلينا نتفرج لتي في فيه فلم راح يجي
رهيب وبعدين خلينا نستمتع فيه مدام جوري مو فيه
عنود // لا خلينا ندخل الغرفه
رهف // لا وبعدين هنا احسن عشان نسمع عمي لما يجي يدق الباب
عنود وهي مصمصه تعرف// لا تطمني ابوي معه مفتاح يعني يدخل على طول
وبعدين ابوي اليوم ماراح يجي يبي ينام في المزرعه عشان بكره جايين عمال بدري
يبي يبني فيها قسم عشان لما نروح هناك يمدينا ننام فيها
رهف وانا امشي وادخل الصاله مسكت الريموت وفتحت التي في // الله وناسه كذا
عشان نروح نجلس حتى اسبوع صراحه الجووو هناك ابداع تصدقي والله من جد
وحشتني المزرعة من زمان عنها اخر مره رحنا يوم العزيمه
عنود // خلاص اخلي ابوي يودينا
رهف // ان شاءالله يرضى مايقول عمال
عنود // لا ان شاءالله يوافق وبعدين لا تغيري السالفه وقولي وش فيك
ترا والله حاسه فيك شي وشي حيل مغيرك
رهف // ايش فيك انتي كم مره قلت ماعندي شيء
عنود بحده // رهف انطقي احسن لك
رهف بعصبيه // اقولك ماعندي شي وش فيك تبي فيني شي غصب اوف منك
اكرهك لما تجلسي تحققي بهذي الطريقه كم مره قلت لك مافيني شي
عنود // اقول لاترفعي صوتك علي
رهف // اسفه بس والله قهرتني
وجلست اقول في نفسي غبيه هذي فرصتك قولي بس والله خفت مقدرت افتح فمي
ياربي احس بخوف ورعشه في جسمي وهي عنود اجل لو عمي يحقق معي او انا لما اقوله
يارب ساعدني يارب عنود تغير السالفه
عنود // لاني خايفه عليك وحاسه انك مو خاليه مخبيه شي كبيرر
رهف // لا تطمني مافي شي
عنود // رهف ابي اسال مره ثانيه فيه شي بينك وبين تركي
رهف بربكه// ايش تركي وش دخل تركي اللحين في السالفه
عنود بشك // مدري احس اخر مره تركي يوم اجى كان يرمي حكي
مدري ايش يقصد منه
رهف // لا لا بس تركي هو كذا دايم يرمي عليه حكي اللي يسمعك
يقول ماتعرفي اخوك هو من زمان يكرهني
عنود // لا بس تركي مايقول كلام إلا فيه شيء بينك وبينه وكمان خوفك منه
مو طبيعي يعني فيه شيء وترى انا مو غبيه فااعترفي احسن
رهف وهي تبكي // مافي شي اقولك
عنود وهي تمسك يد رهف // رهف حبيبتي قولي ايش عندك يمكن اقدر اساعدك
رهف بحده // اقولك مافي شي
عنود وهي تسحب الجوال // اوك الللحين ادق على تركي واخليه هو يقولي
رهف وهي منهاره // حرام عليك عنود ليه تسوي كذا فيني
عنود // عشان ابي اعرف بس وانا اقولها لك اعترفي احسن قبل ماادق عليه
رهف وهي تبكي // والله هو السبب
عنود ترمي الجوال//في ايش السببب انطقي قولي بسرعه
رهف وهي خلاص منهاره // هو اغتصبني والله هو
عنود وهي تضربها على وجهاااا// ايش اغتصبك مين يازفته قولي
رهف وهي تبعد يد عنود عنها // حرام عايك عنود اخوك هو اغتصبني انا مالي ذنب
عنود بصوت عالي // تركي هو اللي سوى كذا طيب انتي وش وداك له
رهف وهي تحس نفسها خلاص تبي تموت // خالتي قالت لي اني اروح انشر ملابسه
في غرفته وافتح عليها المروحه وهو دخل علي وهو كان لسى جاي من السفر
وشافني في غرفته وصار اللي صار
عنود // ليه طيب ماصرختي ولا حاولتي تهربي
رهف ^/ والله حاولت بس كان اقوى مني وقالي شفت امي وهي تدخل القسم حقها هي وابوي
يعني صارخي حتى اليوم الثاني محد يبي يسمعك وبعدها اغتصبني اخوك دمرني
عنود وهي مصدومه ماتوقعت كذا السالفه // طيب وفيصل مصيبه يرهف
رهف // المصيبه مو هنا ياعنود
عنود بصوت عالي // وش كمان بقي قولي انطقي حرام عليك
والله ابوي راح يروح فيها
رهف بخوف وتردد// انا حامل
وسمعنا صوت من بعيد يقول بصوت عالي ايش ياكلبه حامل
انتهي البارت
توقعاتكم مين اللي سمع رهف وعنود
استودعتكم الله
موضوع: رواية آه ياعذابي/بقلم الكاتبة نوني بنت الجنوب 
الإثنين نوفمبر 23, 2015 1:34 am
