عطيته الحب والوفا ومالقيت منه غير البعد والجفا

الله يا آلوش روايتك بجد حلوووة

انا مغرمة في حاجة اسمها روايات واصلي

متابعه ليكي دا انت طلعتي فنانة تصاميم وقصص وروايات

ماشاء الله عليك

زهرة الخزامى كتب:: تسلمين ياعسل
هههه يعني كلنا معانين من الحرامية الصغار
يوه لالا جاسم قصته قبل لااعرفها وضعه يحزن مرة
:5لق:
يفداك الكون بإذن الله بتلقين تفاعل بس أصبري أكيد البنات منشغللات

ههههههههع

الله يعينه جاسم

ان شاء الله

يسلمو زوزو احلى مرور

لمار كتب:: رووووووووعه حبيبتي آلووش واصلي
لك كل الود والإحترام وبنتظار البارت الجاي

مرورك الارووع لموررر

تسلمي كلك ذوووق

اسعدني مرورك

انجو كتب:: الله تجنن مبدعه آلوش يسلم قلمك

انتظر البارت الرابع بفااارغ الصبر لاتطوليين وياليت تحدد الوقت الي تنزلين فيه الروايات

وثاتكس ع الراويه الجميله

متابعه لك وماعندي اي توقعات صراحة

تسلمي كلك ذووووق

ان شاء الله بيكون كل اربعاء بارت

مو مشكلة مرورك اسعدني كثير

لسعة شقاوة2 كتب:: الله آلوووش كملي ياعسسل

روايتك أقل مايقال عنها إبداااااع

واااااصلي بنتظااارك

ترا أنا مالي كثير بالروايات بس روايتك صدق شدتني

كلك ذوووق ياعسسل

تسلمي حبيبتي

بيشرفني تتابعي روايتي

اسعدني مرورك

الفتاة ايميلي كتب:: الله يا آلوش روايتك بجد حلوووة
انا مغرمة في حاجة اسمها روايات واصلي

متابعه ليكي دا انت طلعتي فنانة تصاميم وقصص وروايات

ماشاء الله عليك

حبيبتي انت

كلك ذووق

اي الحمدلله

اسعدني مرورك

-------------------------------------
لاتلهيكم روايتي عن واجباتكم الدينية
------------------------------------

الى أحدهم ...اريدك انت تعرف بأن العالم الذي يسعدني هو { أنتي}♡... !

~~البـارت الـرابـع~~

طلعت دلال للحديقة الكبيرة حق بيتهم تشوف مين على الباب فتحت وانصدمت من الي واقف حاكت نفسها""جاسم وش جايبه

جاسم تفاجئ بالملاك الي قدامه وتنح فيها وتفحصها "" (ناظر فيها وكأنه مريض يبي الدواء وشوفتها هي الدواء يبي يمحي دلال الأولى هذه صورة جديدة لها )

دلال انحرجت ومو حاطة شئ يغطيها والآخ شكله مطول لا ويتفحصها حبت تنبه سكرت الباب قبل لايدخل وقلبها يدق بسرعه كان الموقف صعب عليها

اما عند جاسم فضل واقف للحظة وبعدها استووعب حركتها وابتسم ثم مشي فرح انه شافها ""هذه الي اسرتني هذه الي حبيتها وحبتني آخ يادلال لو تعرفي قد إيش أحبك تغيرتي وصرتي آية في الجمال أذكرك جميله لكنك أجمل

دلال شافت أقرب كرسي في الحديقة وجلست عليه كانت واعطت الحريه لافكارها"ياترى ياجاسم لي جاي ولا نظراتك اليوم كانت غريبة كثير لايكون موضوعنا وحنا صغار لسه ببالك لالا ياربي هذه مشكلة كبيرة أنا ما أبيك ياجاسم ما أبيك ياربي كيف أعرف إذا كلامنا وحنا صغار مازال بباله وكيف أثبت له إني ما أبيه"

طالعت دلال بالساعه وابتسمت اهلها قروبوا يجوا قامت ومشيت للمبنى ورجعت للصاله كان التي في لسه شغال جلست على الكنبه القريبة من التي في ماتقدر تتابع التي في الا وهي قريبة منه مسكت الريموت وعلت الصوت شوي انقهرت البرنامج الي كانت تتابعه خلص قطعه عليها جاسم :يووه ملل اللحين كله إعلانات أكيد اللحين أذن الظهر خلني أطلع غرفتي لين أهلي يجون

(طلعت غرفتها كانت عبارة عن سرير عليه مخده لونها وردي ومرسوم عليها قلب ولحاف وردي مرسوم عليه قلب ثلاثي أبعاد كان السرير نفر ونص لونه أبيض وكمدينو وتسريحه ودولاب ومكتب صغير أبيض عليه الابتوب الخاص فيها وفيه باب يطل على ممر صغير فيه حمام لونه ابيض والجدران وردي فاتح وفارشه فيه فرشات لونها وردي ،كانت تحب اللون الوردي والبنفسجي كان ديكور الغرفه وردي مع بنفسجي )

دخلت الحمام ::الله يكرمكم::توضت وفرشت سجادتها وصلت بعد الصلاة جلست فترة على سجادتها تستغفر قامت صلت السنة وبعدها قالت دعاء الإستخارة وقامت تشوف أهلها جو ولا لسه

(بيت عاصم أبو فراس)

فراس راجع من دوامه بعد مامر مسجد في طريقه وصلى اتصل بأخته

رانيا الي باين من صوتها توها صاحية من النوم/هلا فراس

فراس/هلا فيك للحين نايمة

رانيا/صحيت خلاص

فراس/أنا ربع ساعه وأكون عندك قومي صلي وتجهزي

رانيا بستغراب/لي؟

فراس/ملحق نسيتي

رانيا تحاول تتذكر وبضيق/اي تذكرت (ماتحب تحكم أخوها وتشدده)

فراس/اجل يلا قوومي واذا رنيت عليك معناتها اني تحت

رانيا/تمام،يلا باي

فراس بعد مافصل من رانيا تنهد بضيق على حال إخوته ومابيده غير الدعاء لهم :الله يهديك يارب انت وريان إلي دايم من المدرسه للنوم للإستراحه(كان سرحان بإخوته وحالهم وما يلقى نفسه الا في ذيك الشاحنه الكبيرة)...

(بيت عبدالرحمن)

دخل عبدالرحمن البيت ومعه مرام وسمير

سمير ومرام وعبدالرحمن:السلام عليكم

خديجة:هلا هلا وعليكم السلام

(فرحت خديجة لما شافت زوجها شكله مروق زمان على هالإبتسامه
باست جبينه وهو باس جبينها)

خديجة:ماشاء الله أشوفك اليوم مرووق

عبدالرحمن اكتفى ببتسامة

خديجة:الله يجعلك دايم مرووق
روحوا بدلوا ملابسكم وتعالوا اكون غرفت الغداء

مرام:ماما ايش طابخه

خديجة:حزري

مرام تحط يدها على مخها ورافعه عين:اممم بخاري

خديجة:صح

مرام من الفرحة صارت تنط وباست أمها في خدودها: شكرا ماما اموووت انا بالبخاري

خديجة:حبيبتي وانا لعيونك سويته

كيف كانت المدرسة؟؟

مرام:تمام،رحنا للمديرة اليوم

خديجة بستغراب:ليش؟؟لايكون مسوية شئ

مرام:لا يمة انا ودانة رحنا نشتكي من زهرة الي كل شوي تسرقنا ماخلت حد بحاله ماشفنا المرشدة اتجهنا للمديرة

خديجة:اهاا، الله يصلحك حسبت مسوية شئ وانا واثقة فيك

مرام عوجت بوزها:كذا يمه

خديجة:قلت لك واثقة فيك ويلا روحي غيري لبسك عشان تتغدي

مرام فتحت الغطى تشم ريحة الآكل هذه حركتها دايما ومسكت ملعقه

خديجة:مرااااااام

مرام:يمة بس اذوق الله يخليك

خديجة:طيب روحي غيري وبعدها تنزلي تاكلي

مرام بيأس:طيب

( طلعت مرام لغرفتها كانت عبارة عن سرير خشبي لونه بيج وعليه مفرش أخضر بأزرق بتدرجاته عبارة عن مربعات مع الإضائات الصفرا والمكيف الواحد يستسلم للنوم لآن آلوانه هادية مررة أما الحمام ماعندها حمام خاص مشترك بينها واخوتها

( دخلت الحمام:: الله يكرمكم::تاخذ شور قبل لا يدخل سمير وتعرفه يطوول مررة ولبست الروب ودخلت غرفتها الملاصقه للحمام طلعن لها بجامه قطنية بلوزة طويله لونها سكري وياقتها كروهات عودي وبنطلون كروهات عودي بخت لها عطر هادي ولمت شعرها ببكله بشكل مهمل ونزلت تحت)

مرام:يوه شكلنا مطولين وين بابا وجاسم وسمير

خديجة:اكيد ابوك اما ياخذ شور او في مكتبه روحي شوفيه اما جاسم لسه ماجى وسمير روحي شوفيه

مرام:ما فيا اطلع

خديجة:خل عنك الكسل ماشاء الله بالمدرسة مثل القرد طالعه نازله

مرام بضجر طلعت تشوف ابوهت وسمير دورت سمير بغرفته مالقته بعدها سمعت صوت المويا يعني انه بياخذ شور تنهدت بضيق:شكلنا مطولين وسمير هذا ساعه على مايطلع من الحمام

اتجهت لغرفة ابوها مالقته اتجهت لمكتبه لقته جالس وشكله مسرح:بابا يلا الغدا جهز

عبدالرحمن وهو يطالع فيها وفاق من سرحانه:يلا انا نازل اسبقيني تحت

نزلت مرام:ماما سمير بالحمام وشكله مطول وبابا نازل

عبدالرحمن نزل وجلس على السفرة: وين سمير وجاسم؟؟

خديجة:سمير بالحمام وجاسم ماجا

عبدالرحمن بعصبيه:جاسم هذا كم مرة قلت له يخلص جامعته ويجي على البيت ماغير يروح مع أصحابه أو يجلس عن خالاته أو عمه

خديجة:هدي يا ابو جاسم وبعدين جاسم رجال كبير

عبدالرحمن:قال اي رجال كبير والله لو يجي اوريه شغله

( كان جاسم داخل اول ماسمع كلام ابوه اتجه بسرعه للمجلس مايبي يقابله وتقوم مشاكل الدنيا: ياربي لمتى بظل على هالحاله انا دايم يجي علي اما سمير يطلع لآخر الليل ولايتكلم

جلس بالمجلس ينتظر لين ابووه يطلع غفت عينه

تغدى عبدالرحمن وطلع غرفته ياخذ قيلولة وسمير اخيرا نزل وغرف له صحن واكل

مرام طلعت تحل واجباتها

خديجة مسكت جوالها تشوف جاسم وتفاجئت ان جواله يدق وشكله بالبيت:لايكون جاسم نسي جواله بس غريب صوته هنا المفروض يكون بغرفته (اتجهت لمصدر الصوت شافت جاسم نايم ومحني رقبته بشكل محزن)""شكله من اول هنا وانا احسبه برى وابوه عصب كدا يا ربي هالولد يحزني دايم ابوه يجي عليه في كل شئ""
خديجة:جاسم حبيبي قوم الله يهديك نومتك هذه بتتعب رقبتك

جاسم فتح عينه وطالع في امه ورجع غمضها ثاني

خديجة:جاسم قوم الله يصلحك

جاسم حس بآلم في رقبته قام وهو حاطط يده على رقبته من خلف:وين أبوي

خديجة"لايكون سمع كلام أبووه لا يارب""

خديجة:في غرفته نايم ،انت قوم اللحين خذ لك شور يريح جسمك وبعدها تعال احط لك الغدا

جاسم قام ووقف جنب امه كان اطول منها باس راسها ويدها:الله لايحرمني منك

خديجة تناظره بحزن:ولامنك حبيبي

طلع جاسم لغرفته شاف سمير

سمير:هلا جاسم لي متأخر

جاسم:تعرف أجي من الجامعه مشي ومريت ببيت عمي وجيت

سمير:ابوي عصب

جاسم بضيق :لاهو راضي يجيب لي سيارة واذا تاخرت عصب

سمير:معلش ابونا ولازم نتحمل

جاسم:لمتى يعني ؟

سمير:لين ربك يفرجها

جاسم تنهد بضيق وبعدها فتح الدولاب طلع له بجامه قطنية رمادي(يميل دايم للغوامق)ودخل الحمام::الله يكرمكم::اخذ له شور بارد يهدي الضيق الي فيه خرج من الحمام ونزل يتغدى شاف ساعته الي بيده وخبط على راسه تذكر ان تركي عازمه على استراحه واصحابه ولازم ينام شوي ويجهز للطلعه""ياربي اللحين أبوي أكيد بيبهدلني وش أسوي

(نرجع لبيت عبدالعزيز)
نزلت دلال تحت وإستغربت لما شافت الساعه وأهلها لسه ماوصلوا وتذكرت إن أبوها أكيد بجيب غدا بس أمها وينها:خلني أتصل أشوفها (جت بتتصل سمعت صوت باب البيت ينفتح)
دلال: هلا بنبع الحنان

(وراحت تضم أمها وتبوس راسها ويدينها)
نورة وهي تسحب نفس:هلا حبيبتي كيفك يمه؟؟
دلال:بخير
نورة:ابوك جا ولا لسه
دلال:لا لسه شكله بجيب غدى

(دخلت ديمة ودانه)
دلال:هلا والله بخواتي الحبيبات كيف المدرسة معاكم؟

دانه وديمة باسو راس دلال من باب الاحترام دانه : هلا بك دلو الحمدلله

ديمه:تمام دلول

(نورة طلعت تغير ملابسها وديمة ودانة لحقوها فتح الباب وشافت ابوها حضنته وباست راسه ويدينه )

وليد:وحنا مالنا نصيب من السلام
فهد: لا مالك نصيب
دلال حابة تقهر فهد طنشته :أكيد حبيبي وليد (حضنته وباست راسه من باب الاحترام)
فهد:أشوف تغير الأسلوب من يوم ما انخطبت
وليد ناظر نظرة لفهد بمعنى اسكت
دلال طنشت فهد:الا كيفكم وكيف الشركة؟؟

وليد وعبدالعزيز: الحمدلله
عبدالعزيز:خذي حبيبتي دلال وحطي الاكل بالصحون

دلال وهي تاخذ الاكياس من يد ابوها وببتسامة :ابشر يبه ،روحوا غيروا عبال مااحطه

عبدالعزيز: امك وخواتك جو

دلال وهي رايحة للمطبخ:ايه جم من دقايق وطلعوا لغرفهم يغيروا

طلع وليد لغرفته(كانت عبارة عن سرير كبير لونه ابيض مخدته لونها رمادي فاتح وفيها نقش رمادي غامق واللحاف نفس الشئ 2كمدينو ابيض وتسريحة صغيرة ودولاب اما الحمام لونه ابيض وفيه مفارش رمادي فاتح بطيات رمادي غامق ) دخل الحمام::الله يكرمكم:::أخذ له شور دافي ولبس بجامه قطنية البلوزة رمادي وأكمامها طويله مخططة أسود فاتح والبنطلون رمادي مخطط أسود فاتح نزل وشاف دلال بالمطبخ تحضر السفرة
وليد وهو داخل المطبخ :أسعادك بشئ
دلال ابتسمت له:خلاص خلصت مشكور أخوي ماتقصر

وليد أخذ له كرسي وجلس عليه وهو يناظر دلال :ها كيف إستخرتي؟؟

دلال بضيق:اي استخرت

وليد:ان شاء الله مرتاحه

دلال:ما ادري بس حاسة اني بديت أتقبل الموضوع شويه

وليد ببتسامة:الله يختار لك الخير يارب

دلال:يارب

(دلال خلصت وغرفت كل شئ بالصحون وكل الأسرة إجتمعت على السفرة)

عبدالعزيز ببتسامه:ها دلال حبيبتي استخرتي

كل الي على السفرة يناظر دلال

دلال بإحراج من نظراتهم وناظرت في الآكل الي قدامها:ايه

عبدالعزيز:إن شاء الله مرتاحة

دلال ببتسامة تخفي حرجها:ما ادري

نورة:دلال حبيبتي اذا مو مرتاحة ما بنجبرك

دلال بإحراج ولسه تناظر بالصحن الي قدامها وتفرك بيدينهو :يمه ما ادري اذا انا مرتاحة او لا

نورة:الله يختارك لك الخير يمة ونفرح فيك وانت عروسة

فهد:ونفتك منك

ديمه:هههههه فهد

فهد:خير مايضحك ترا

دانه:اسكت يافهد المفروض تقول بنفتقد وجودك

فهد:بنفتقدك يا أختي العزيزة

دلال رفعت نظرها ليه وغصب عنها ضحكت بصوت عالي على فهد وهبله:هههههههههههههههههههه

الكل يطالع فيها وبفهد وابتسموا لان من يوم ماحكت نورة لدلال عن العريس تحس ان دلال زعلانة

نورة في نفسها"الله يسعدك يمه ويكون العريس عون لك على طاعته ويوفقك ويختار لك الخير يارب"

(بيت علي زوج بدرية)

بدرية بصوت عالي:نوووف خالك متصل وقايل باقي نصف ساعه ويوصل ركبي القهوة يمة

نوف:اوف ذا خالي العله جاي والله اعلم كم بيجلس

(بصوت عالي عشان تسمعها امها)حاضر يمة

دخلت المطبخ تسوي القهوة وهي نفسها خالها بأي شكل يكنسل الجية عندهم مانفسها تجلس معه او تشوفه جالسة تدندن وهي تسوي القهوة دخل نواف المطبخ

نواف بيكيدها:لامستحيل نوف بنفسها بالمطبخ صاير شئ بالدنيا

نوف بقهر:خالي جاي عندنا ولامادريت

نواف بحزن: اهاا،مدري لي انت كدا مع خالك انا اتمنى يكون عندي خال حنون مثل خالك بسام

نوف:خالي بسام يصير خالك بالرضاعه

نواف:صحيح يصير خالي،بس خالي من الدم مافكر فيني (كمل بسخريه)إذا أمي رمتني أجي آلوم خالي الأم المعروفة بالحنان وعاطفتها لأولادها بس إيش أقول

نوف حزنت الى أخوها وحطت يدها على كتفه:لاتعيد هالكلام نواف وأمي هي أمك

نواف ببتسامة وكله حزن: أمك يا نوف أحن علي من أمي

نوف حبت تغير الموضوع:الا أقول زرت إخواتك ولا قاطعهم لازم تبارك لأختك صارت عروس

نواف بفرحه:صدق دلال صارت عروس

نوف:يوه نواف شكلك صدق قاطعهم ايش هذا قال اخ قال اي صارت عروس

نايف دخل عليهم ببتسامة :السلام عليكم مين الي صارت عروس خلني ابارك لها معكم

نوف تفاجئت بدخول أخوها وارتبكت:وعليكم السلام، وحدة

نواف:وعليكم السلام،دلال بنت خالتك وأختي

نايف تغيرت ملامح وجه وتغيرت ابتسامته لحزن واضح

نواف ونوف لاحظوا هالشئ وندم نواف على تسرعه فهم ان نايف كان يبي دلال

نوف تحاول تعدل الموقف:كلمتني هي ولسه ما استخارت وشكلها كمان ماتبيه لانها بكيت كثيررر

نايف ببتسامة حزن وقهر :الله يوفقها يارب في حياتها

نايف سابهم وراح لغرفته وهو حاسس الدنيا قفلت في وجهه دلال كانت هتصير خطيبته

نوف بحزن على اخوها:ماكنت حابه يعرف

نواف:ماكنت معتقد الامر كدا

نوف:لمحت امي لخالتي انها تبي دلال لنايف ونايف كلم امي كثير بالموضوع وقالت له انه يخلص دراسته ونخطبها رسمي اخ مسكين يانايف

""بخلي دلال لك غصب وبتشوف مابكون نوف اذا دلال راحت لغيرك""

بدريه:نوف نواف روحوا استقبلوا خالكم وصل

نوف عبست وجهها:أمي ما أبي اشووفه

بدريه بحدة:نوووف هذا خالك

نوف ونواف خرجوا بالحوش يستقبلوا خالهم

نواف يحضن خاله:هلا بخالي منور

بسام ببتسامه وباين عليه تعب السفر:هلا بالغالي ،نوف بتوقفي كدا مابتجي تسلمي

قربت نوف من خالها وهيا من داخلها مقهورة وسلمت عليه بكل برود ودخلوه معاهم جوى

بدريه تحضن بسام :هلا بحبيبي بسام

بسام:هلا فيك بدريه

بدرية:تفضل شكلك تعبان،وانت يانوف جيبي القهوة وباقي الضيافة

بسام:ماجت نورة

بدرية:نسيت أقول لها متى بتيجي خلها بكرا وشكلك مررة تعبان

بسام:والله انك صادقة الا وين علي

بدرية بحزن:والله يابسام دايم بستراحات الفساد وشرب المخدارات والشيشة

بسام:الله المستعان ربي يهديه،الا وين نايف ماشفته

نواف:قايم اناديه ياخال مايدري انك هنا

بسام:كيفها نورة واولادها لي زمن ما اتصلت عليها ولاشفتها

بدريه: الحمدلله ،دلال انخطبت

نايف في هذه اللحظة دخل وكان باين الضيق على ملامحه
بدريه فهمت من تعابير وجهه انه مضايق

نايف سلم على خاله وجلس جنبه :كيف ياخال الحمدلله على سلامتك كيفك وكيف كانت رحلتك

بسام ببتسامة:الحمدلله تمام ،الله يسلمك

دخلت نوف ومعها دله القهوة وصبت لخالها وامها واخوانها وخرجت من المجلس

(بيت كريم)

كريم:اسمعي ياهند هذا قراري ابي استر البنت ومابتراجع بتتزوج ولد خالتها يعني بتتزوجه

هند:ياكريم ماهم كفئ وبنتك تبي واحد أحسن منها

كريم بعصبيه:برا العايله ما ازوج سامعه والا بتجلس البنت عندك لين تعنس كلمتي هنا تنسمع بسمة لولد خالتها وحنان لو عمها وهذا قرار نهائي والاسبوع الجاي تكون خطوبة رسمية للبنتين

هند بكيت مو بيدها شئ:ياكريم الله يخليك شوف عبدالعزيز وهو ماشاء الله ثري مايزوج الا ملتزم القصة مو قصة قرايب

كريم وتنرفزه المقارنه:هذاك عبدالعزيز ماهو انا القرايب هم اولى فاهمة

كلام كريم كان على مسمع بسمة وحنان بسمة انهارت وحنان تهديها

بسمه:ليش ابوي كدا لمتى يعني بنجلس على هالحاله كل العرسان يرفضهم وبيزوجنا لناس ماتعرف شئ بالعبادة واحد مايصلي وتاجر مخدرات والثاني زيادة عليه يشربها

حنان:بسمة حبيبتي مايصير كدا خلينا ندعي ربنا يفرجها من عنده ويهدي ابوي عن قراره الي بيظلمنا فيه

بسمه مسحت دموعها وحضنت حنان:انت حبيبتي ياحنان دايم بكلماتك تحسسيني بالأما الله لايحرمني منك يارب

استراحة شباب$

ريان:كيفكم شباب
بدر: تمام اجلس اجلس (بصوت واطي غير مسموع الا لريان)شوف هذا (وهو يأشر على واحد من الشباب )
ريان:ايه اشبه
بدر:توه سعد معرفنا عليه اسمه جاسم....

انتهى الــ ــ ــ ــبارت الـرابـع

^°توقاعتكم تسعدني^°

والمتابعات بصمت أتمنى تشاركووني

بقلمـ

°•آلوش الشامية °•

AloOosha^•

عند نقل روايتي لا احلل ولا اسامح من ينسبها له او يعدل عليها او ينقلها مع حذف الحقوق او يجزئ البارت ،،،

لكم ودي

بنزل بارتين بالإسبوع يوم الأربعاء

رووووووووووعه آلووووووووش واااااااااصلي

ماعندي توقعات صراااحة

بنتظار البارت 5 :ثثثثثثثثثث25:

اي الجمال دا يا آلووش

بصراحة زعلت قووووي على جاسم وعلى حبه

ودلال دي اقلبها قااسي اوووي يعني هيا عارفة بحب نايف ليها

لا لا ماتوافقيش على اي حد غير نايف دا انا مقهوررة اوووي منك

ودا والقرار بإديها في القبول والرفض يعني بتحب نايف وبإيدها القرار

وال قهرني بتعيط طب ما انت بإيدك القرار يابت معلش انفعلت بزيادة بس دي دلال جابت لي الجنون والانفعال

اما جاسم دا انا بصراحة مش فاهمة ابوه لي بيعامله كدا والله بيصعب عليا جامد اما رانيا دي فيها اي لو سمعتي كلام اخوكي بالراحة كدا نفسي اعرف اي ردة فعلها لما تعرف ان فراس صار عليه حادث وبالله ماتخلهوش يمووت دا شخصيته عجبتني جدا

اما بدر وريان نفسي امسكهم واخبط روسهم في بعض مقهورة منهم اوووي يعني اي لي كدا لو بس يعرف تركي بنيتهم السودة ليبهدلهم بهدله وهو بيفكرهم اصدقاء دول "استغفر الله العظيم " دا ريان بيخطط بخطط على انسان مسكين وعلى نياته ومش عارف ان اخووه حصله حادث يمكن يتوب عن فعايله

ملكة الإحساس كتب:: رووووووووووعه آلووووووووش واااااااااصلي

ماعندي توقعات صراااحة

بنتظار البارت 5 :ثثثثثثثثثث25:

انت الاروع حبيبتي

بعتذر منك ما بكمل روايتي بس ان شاءالله في رواية ثانية بكتبها وبعد ما انهيها وعدم مني بشاركها بإذن الله هنا 785785785785785

الفتاة ايميلي كتب:: اي الجمال دا يا آلووش
بصراحة زعلت قووووي على جاسم وعلى حبه
ودلال دي اقلبها قااسي اوووي يعني هيا عارفة بحب نايف ليها
لا لا ماتوافقيش على اي حد غير نايف دا انا مقهوررة اوووي منك
ودا والقرار بإديها في القبول والرفض يعني بتحب نايف وبإيدها القرار
وال قهرني بتعيط طب ما انت بإيدك القرار يابت معلش انفعلت بزيادة بس دي دلال جابت لي الجنون والانفعال

اما جاسم دا انا بصراحة مش فاهمة ابوه لي بيعامله كدا والله بيصعب عليا جامد اما رانيا دي فيها اي لو سمعتي كلام اخوكي بالراحة كدا نفسي اعرف اي ردة فعلها لما تعرف ان فراس صار عليه حادث وبالله ماتخلهوش يمووت دا شخصيته عجبتني جدا

اما بدر وريان نفسي امسكهم واخبط روسهم في بعض مقهورة منهم اوووي يعني اي لي كدا لو بس يعرف تركي بنيتهم السودة ليبهدلهم بهدله وهو بيفكرهم اصدقاء دول "استغفر الله العظيم " دا ريان بيخطط بخطط على انسان مسكين وعلى نياته ومش عارف ان اخووه حصله حادث يمكن يتوب عن فعايله

كلك ذوووق ايميلي ،،،عاد ايش نقول دلال عارفة ان نايف مستحيل يكون لها ومستحيل تكون ليه لانه مو ملتزم بس يمكن تصير معجزة ويصيروا لبعض،،وبعدين دلال طيووبة لاتظلميها ،،يمكن عموما اسعدني مرورك وانا اعتذر اني ما هكمل روايتي وبقفلها وبكتب حاليا برواية ثانية بنفس الشخصيات تقريبا وبس انهيهابنزلها هنا بإذن الله

تــــغلق بطلب من الكاتبة